దక్షిణాది రాష్ట్రాల సమన్వయానికి తెలంగాణ కట్టుబడి ఉంది: డిప్యూటీ సీఎం భట్టి విక్రమార్క

ప్రజా సంక్షేమం న్యూస్
దక్షిణాది రాష్ట్రాల సమన్వయానికి తెలంగాణ కట్టుబడి ఉంది: డిప్యూటీ సీఎం భట్టి విక్రమార్క
తమిళనాడులోని మహాబలిపురంలో జరిగిన 31వ దక్షిణ ప్రాంతీయ మండలి సమావేశంలో తెలంగాణ డిప్యూటీ సీఎం భట్టి విక్రమార్క మల్లు పాల్గొన్నారు. కేంద్ర హోంమంత్రి అమిత్ షా అధ్యక్షతన ఈ సమావేశం జరిగింది.
ఈ సందర్భంగా దక్షిణాది రాష్ట్రాల ముఖ్యమంత్రులు, ఉప ముఖ్యమంత్రులు, మంత్రులు, ఉన్నతాధికారులతో భట్టి విక్రమార్క సమావేశమై ప్రాంతీయ అభివృద్ధి, పరస్పర సహకారం, ఉమ్మడి ప్రాధాన్యత అంశాలపై చర్చించారు.
బలమైన భారతదేశ నిర్మాణానికి దక్షిణాది రాష్ట్రాల మధ్య సహకారాన్ని మరింత బలోపేతం చేయడంలో తెలంగాణ రాష్ట్రం ఎల్లప్పుడూ కట్టుబడి ఉంటుందని డిప్యూటీ సీఎం భట్టి విక్రమార్క తెలిపారు.