భక్తిశ్రద్ధలతో కదిలిన గణనాథుల ఊరేగింపు.. భారీగా తరలివచ్చిన భక్తజనం!
ప్రజాసంక్షేమం న్యూస్-నల్గొండ:
వినాయక నవరాత్రి ఉత్సవాల ముగింపు సందర్భంగా నల్గొండ పట్టణంలో వినాయక శోభాయాత్రలు ఘనంగా నిర్వహించారు. వివిధ ప్రాంతాల నుంచి గణనాథుల విగ్రహాలను ప్రత్యేక వాహనాలపై అలంకరించి భక్తిశ్రద్ధలతో ఊరేగింపుగా తీసుకువచ్చారు.శోభాయాత్రలో భక్తులు పెద్ద సంఖ్యలో పాల్గొని జై బోలో గణేష్ మహారాజ్ అంటూ నినాదాలతో సందడి చేశారు. డప్పులు, భజనలు, ప్రత్యేక అలంకరణలతో ప్రధాన రహదారులు పండుగ వాతావరణాన్ని సంతరించుకున్నాయి.
భక్తులతో కిక్కిరిసిన ప్రధాన రహదారులు:
వినాయక శోభాయాత్రను తిలకించేందుకు పట్టణంలోని వివిధ ప్రాంతాల నుంచి ప్రజలు భారీగా తరలివచ్చారు. కుటుంబ సమేతంగా పాల్గొన్న భక్తులతో రహదారులు కిక్కిరిశాయి.
ఆకట్టుకున్న గణనాథుల అలంకరణలు:
వివిధ మండపాల నిర్వాహకులు గణనాథులను ప్రత్యేకంగా అలంకరించి శోభాయాత్రలో పాల్గొన్నారు. విద్యుత్ దీపాల అలంకరణలు, భక్తి కార్యక్రమాలు ప్రత్యేక ఆకర్షణగా నిలిచాయి.
శాంతియుతంగా కొనసాగిన శోభాయాత్ర:ప్రజలు, గణేష్ మండపాల నిర్వాహకులు, యువత ఉత్సవాలను ప్రశాంతంగా నిర్వహించేందుకు సహకరించారు. శోభాయాత్ర సందర్భంగా భక్తుల సందడితో నల్గొండలో పండుగ వాతావరణం నెలకొంది.