ఎమ్మెల్యే కోమటిరెడ్డి రాజగోపాల్ రెడ్డి, ఎమ్మెల్సీ నెల్లికంటి సత్యం చేతుల మీదుగా శంకుస్థాపన
మర్రిగూడ, సెప్టెంబర్ 29: ప్రజాసంక్షేమం న్యూస్ ప్రతినిధి:
మర్రిగూడ మండలం సరంపేట గ్రామంలో రూ.2.15 కోట్ల వ్యయంతో నిర్మించనున్న 33/11 కేవీ విద్యుత్ సబ్‌స్టేషన్‌కు మునుగోడు ఎమ్మెల్యే కోమటిరెడ్డి రాజగోపాల్ రెడ్డి, ఎమ్మెల్సీ నెల్లికంటి సత్యంతో కలిసి మంగళవారం శంకుస్థాపన చేశారు.
విద్యుత్ సమస్యలకు పరిష్కారం;సబ్‌స్టేషన్ నిర్మాణంతో సరంపేటతో పాటు పరిసర ప్రాంతాల్లో విద్యుత్ సరఫరా మరింత మెరుగుపడే అవకాశం ఉంది. విద్యుత్ అంతరాయాలు, వోల్టేజ్ సమస్యలు తగ్గి రైతులు, గృహ వినియోగదారులకు ప్రయోజనం చేకూరుతుందని నాయకులు తెలిపారు.
కాంగ్రెస్ నాయకులు, కార్యకర్తల హాజరు:ఈ కార్యక్రమంలో మర్రిగూడ మండల కాంగ్రెస్ పార్టీ అధ్యక్షులు రామదాసు శ్రీనివాస్, మాజీ జెడ్పీటీసీ మేతరి యాదయ్య, మాల్ మార్కెట్ కమిటీ వైస్ చైర్మన్ నక్క శ్రీనివాస్‌తో పాటు పలువురు కాంగ్రెస్ నాయకులు, సీనియర్ నాయకులు, గ్రామశాఖ అధ్యక్షులు, గ్రామ పెద్దలు, కార్యకర్తలు పాల్గొన్నారు.కార్యక్రమాన్ని విజయవంతం చేసేందుకు పార్టీ నాయకులు, కార్యకర్తలు పెద్ద సంఖ్యలో హాజరయ్యారు.