రామన్నపేట/నీర్నేముల|ప్రజా సంక్షేమం న్యూస్:
భక్తి భావంతో నిర్వహించిన దుర్గాదేవి నవరాత్రి ఉత్సవాలు.. భక్తుల్లో ఉత్సాహాన్ని నింపిన లక్కీ డ్రా.. విజేతల ముఖాల్లో ఆనందాన్ని నింపిన బహుమతులు! యాదాద్రి భువనగిరి జిల్లా, రామన్నపేట మండలం, నీర్నెముల గ్రామంలో శ్రీ హనుమాన్ యూత్ అసోసియేషన్ ఆధ్వర్యంలో నిర్వహించిన 14వ దుర్గాదేవి నవరాత్రి ఉత్సవాల్లో భాగంగా ఏర్పాటు చేసిన ఎద్దు గానుగ నూనె లక్కీ డ్రా విజేతల వివరాలను నిర్వాహకులు ప్రకటించారు.
లక్కీ డ్రా విజేతలు వీరే..
🥇 మొదటి బహుమతి – 10 లీటర్ల గానుగ నూనె
చాపల గాయత్రి – వెల్లంకి గ్రామం.
🥈 రెండవ బహుమతి – 3 లీటర్ల గానుగ నూనె
సుదగాని మంజుల – రాఘవపురం గ్రామం.
🥉 మూడవ బహుమతి – 2 లీటర్ల గానుగ నూనె
సిలివేరు భవిష్య – వీరవెల్లి గ్రామం.
భక్తితో మొదలైన వేడుక.. ఆనందాన్ని పంచిన కార్యక్రమం!
దుర్గాదేవి నవరాత్రి ఉత్సవాలను భక్తిశ్రద్ధలతో నిర్వహించడంతో పాటు, భక్తులకు మరింత ఆనందాన్ని పంచేలా లక్కీ డ్రా ఏర్పాటు చేయడం ప్రత్యేక ఆకర్షణగా నిలిచింది. ఎద్దు గానుగ నూనెను బహుమతులుగా ఎంపిక చేయడం ద్వారా సంప్రదాయ పద్ధతులపై ఆసక్తిని చాటుకున్నారు. ఈ కార్యక్రమం ఉత్సవాల సందడికి మరింత ప్రత్యేకతను తీసుకొచ్చింది.ఈ సందర్భంగా శ్రీ హనుమాన్ యూత్ అసోసియేషన్ సభ్యులు విజేతలకు శుభాకాంక్షలు తెలిపారు. ఉత్సవాల నిర్వహణలో సహకరించిన ప్రతి ఒక్కరికీ కృతజ్ఞతలు తెలియజేశారు.