రూ.200 కోట్లతో నిర్మిస్తున్న ఇంటిగ్రేటెడ్ రెసిడెన్షియల్ పాఠశాల పనుల పరిశీలన

📰 Generate e-Paper Clip

నిర్ణీత గడువులోగా నిర్మాణం పూర్తి చేయాలి: ఎమ్మెల్యే వేముల వీరేశం
**నకిరేకల్, ప్రజా సంక్షేమం న్యూస్:** నకిరేకల్ పట్టణ సమీపంలోని కడపర్తి రోడ్డులో సుమారు రూ.200 కోట్ల వ్యయంతో నిర్మిస్తున్న ఇంటిగ్రేటెడ్ రెసిడెన్షియల్ పాఠశాల నిర్మాణ పనులను ప్రభుత్వ విప్, నకిరేకల్ ఎమ్మెల్యే వేముల వీరేశం పరిశీలించారు. ఈ సందర్భంగా పనుల పురోగతిని సమీక్షించి, సంబంధిత ఇంజనీర్లు, నిర్మాణ సంస్థ ప్రతినిధులకు పలు సూచనలు చేశారు.
**నాణ్యతా ప్రమాణాలు పాటించాలి**
పాఠశాల నిర్మాణంలో నాణ్యతా ప్రమాణాలను తప్పనిసరిగా పాటించాలని ఎమ్మెల్యే అధికారులను ఆదేశించారు. నిర్మాణ పనులను వేగవంతం చేసి, నిర్ణీత గడువులోగా పూర్తి చేయాలని సూచించారు. విద్యార్థులకు ఉపయోగపడేలా భవన నిర్మాణంతో పాటు అవసరమైన మౌలిక సదుపాయాల కల్పనపై ప్రత్యేక దృష్టి సారించాలని పేర్కొన్నారు.
**విద్యారంగ అభివృద్ధికి ప్రజా ప్రభుత్వం ప్రాధాన్యత**
ముఖ్యమంత్రి రేవంత్ రెడ్డి నాయకత్వంలోని ప్రజా ప్రభుత్వం విద్యారంగ అభివృద్ధికి అత్యంత ప్రాధాన్యత ఇస్తోందని వేముల వీరేశం తెలిపారు. విద్యార్థులకు నాణ్యమైన విద్య అందించడంతో పాటు, మెరుగైన వసతి మరియు ఇతర మౌలిక సదుపాయాలు కల్పించాలనే లక్ష్యంతో ఇంటిగ్రేటెడ్ రెసిడెన్షియల్ పాఠశాలలను నిర్మిస్తున్నట్లు వివరించారు.ఈ పాఠశాల అందుబాటులోకి వస్తే నకిరేకల్ నియోజకవర్గ విద్యార్థులకు మెరుగైన విద్యావకాశాలు లభిస్తాయని ఆయన ఆశాభావం వ్యక్తం చేశారు.ఈ కార్యక్రమంలో సంబంధిత అధికారులు, స్థానిక ప్రజాప్రతినిధులు, కాంగ్రెస్ నాయకులు పాల్గొన్నారు.