విద్యుత్ ఉత్పత్తిలో నిర్లక్ష్యం.. యాదాద్రి థర్మల్ పవర్ స్టేషన్ చీఫ్ ఇంజనీర్ సస్పెండ్

📰 Generate e-Paper Clip

**విద్యుత్ కోతలపై సీఎం రేవంత్ రెడ్డి హెచ్చరికల నేపథ్యంలో చర్యలు**
**నల్లగొండ జిల్లా:** విద్యుత్ ఉత్పత్తి విధుల్లో నిర్లక్ష్యం వహించినందుకు దామరచర్లలోని యాదాద్రి థర్మల్ పవర్ స్టేషన్ (YTPS) చీఫ్ ఇంజనీర్ బి. సురేష్‌ను టీజీజెన్కో సీఎండీ డాక్టర్ ఎస్. హరీష్ సస్పెండ్ చేసినట్లు సమాచారం.రాష్ట్రంలో విద్యుత్ కోతలు కొనసాగితే బాధ్యులపై చర్యలు తీసుకుంటామని ముఖ్యమంత్రి రేవంత్ రెడ్డి అక్టోబర్ 14న హెచ్చరించిన నేపథ్యంలో ఈ చర్య చోటుచేసుకుంది.5×800 మెగావాట్ల సామర్థ్యం కలిగిన యాదాద్రి థర్మల్ పవర్ స్టేషన్‌కు బొగ్గు సరఫరా అందుబాటులో ఉన్నప్పటికీ, ప్లాంట్ పూర్తి సామర్థ్యంతో ఎందుకు పనిచేయడం లేదని సీఎం అధికారులను ప్రశ్నించినట్లు సమాచారం. ఎల్‌నినో ప్రభావం, వర్షపాతం లోటు నేపథ్యంలో రైతులకు నిరంతరాయ విద్యుత్ సరఫరా చేయాలని అధికారులను ఆదేశించారు.
**PS NEWS | ప్రజా సంక్షేమం న్యూస్**