విద్యార్థులని విద్యకు దూరం చేస్తున్న రాష్ట్ర ముఖ్యమంత్రి”
బీసీ విద్యార్థి సంఘం నల్గొండ జిల్లా అధ్యక్షుడు *అయితగోని జనార్దన్ గౌడ్*
*₹10,000 కోట్ల ఫీజు రియంబర్స్మెంట్ బకాయిలు విడుదల చేయకపోతే జులైలో సచివాలయం ముట్టడి – బీసీ విద్యార్థి సంఘం హెచ్చరిక*
రాష్ట్ర ప్రభుత్వం ఫీజు రియంబర్స్మెంట్, స్కాలర్షిప్ బకాయిలు విడుదల చేయకపోవడాన్ని నిరసిస్తూ బీసీ విద్యార్థి సంఘం ఆధ్వర్యంలో నేడు నల్గొండ జిల్లా కేంద్రంలో భారీ ర్యాలీ, రాస్తారోకో, కళాశాల బహిష్కరణ కార్యక్రమం నిర్వహించారు. వేలాది మంది విద్యార్థులు రోడ్లపైకి వచ్చి ప్రభుత్వ వ్యతిరేక నినాదాలు చేశారు.
ఈ సందర్భంగా బీసీ విద్యార్థి సంఘం నల్గొండ జిల్లా అధ్యక్షుడు *అయితగోని జనార్దన్ గౌడ్* మాట్లాడుతూ “ఈ రాష్ట్ర ముఖ్యమంత్రి విద్యార్థులని విద్యకు దూరం చేస్తున్నారు. పేద, బీసీ, ఎస్సీ, ఎస్టీ, మైనారిటీ విద్యార్థుల చదువులపై దాడి చేస్తున్నారు” అని తీవ్రంగా ధ్వజమెత్తారు.
గత 4 నెలలుగా విద్యార్థి సంఘాల ఆధ్వర్యంలో ధర్నాలు, రాస్తారోకోలు చేస్తున్నా ప్రభుత్వానికి కనీస చలనం లేదని ఆరోపించారు.
*ప్రభుత్వ వైఫల్యాలు:*
1. *₹10,000 కోట్లకు పైగా ఫీజు రియంబర్స్మెంట్ బకాయిలు* పెండింగ్. దీనితో కాలేజీలు సర్టిఫికెట్లు ఇవ్వడం లేదు.
2. ఇంజనీరింగ్, ఫార్మసీ, డిగ్రీ, పీజీ పూర్తి చేసిన విద్యార్థులు IT ఉద్యోగాలు, విదేశీ చదువులు వచ్చినా సర్టిఫికెట్ లేక రోడ్డున పడుతున్నారు.
3. *GO No. 8, 9* తీసుకొచ్చి గందరగోళం సృష్టిస్తున్నారు. ఫీజు విద్యార్థి ఖాతాలో వేస్తామనడం వల్ల కాలేజీలు ముందే ఫీజు కట్టమని ఒత్తిడి చేస్తున్నాయి.
4. ఫీజు కట్టకపోతే *రెవెన్యూ రికవరీ యాక్ట్ కింద అరెస్టు* చేస్తామని భయపెడుతున్నారు. దీనితో విద్యార్థుల్లో చదువుపై అనాసక్తి పెరుగుతుంది.
5. ఇంజనీరింగ్ కౌన్సిలింగ్ పై ప్రభుత్వానికి స్పష్టత లేదు. గత 18 ఏళ్లుగా ఉన్న ఉచిత విద్యా విధానాన్ని కొనసాగించడం లేదు.
*బీసీ విద్యార్థి సంఘం ప్రధాన డిమాండ్లు:*
1. పెండింగ్ *₹10,000 కోట్ల బకాయిలు* తక్షణమే విడుదల చేయాలి.
2. అసెంబ్లీలో ఫీజు రియంబర్స్మెంట్ పై *ప్రత్యేక చట్టం* చేసి, ప్రతి సంవత్సరం బడ్జెట్లో నిధులు కేటాయించాలి.
3. *GO No. 8, 9 లను వెంటనే రద్దు* చేయాలి.
4. BC/EBC/SC/ST/మైనారిటీ విద్యార్థుల నుండి ఇంజనీరింగ్ కౌన్సిలింగ్లో *ఒక్క రూపాయి ఫీజు వసూలు చేయరాదు*.
5. రాష్ట్రవ్యాప్తంగా ఉన్న *గురుకుల పాఠశాలలు, కళాశాలలకు సొంత భవనాలు* నిర్మించాలి.
6. ఫీజు బకాయిల కారణంగా ఆగిపోయిన *సర్టిఫికెట్లను వెంటనే విడుదల* చేయించాలి.
*ప్రభుత్వానికి హెచ్చరిక:*
కాంగ్రెస్ ప్రభుత్వం వచ్చి 33 నెలలు అయింది. ఇప్పటికే 4 లక్షల కోట్లు అప్పు తెచ్చారు. 14 లక్షల మంది విద్యార్థుల భవిష్యత్తు కోసం మరో ₹10 వేల కోట్లు అప్పు తెచ్చినా తప్పు లేదు. ఇప్పటికైనా కళ్ళు తెరిచి బకాయిలు విడుదల చేయకపోతే *జులైలో రాష్ట్రవ్యాప్తంగా ఉద్యమం* తీవ్రతరం చేస్తాం. *5 లక్షల మంది విద్యార్థులతో హైదరాబాద్ సచివాలయాన్ని నిర్బంధిస్తాం* అని హెచ్చరించారు.
“ప్రభుత్వం న్యాయమైన ఈ డిమాండ్ను విస్మరిస్తే రాబోయే రోజుల్లో భారీ మూల్యం చెల్లించుకోవాల్సి వస్తుంది” అని జనార్దన్ గౌడ్ స్పష్టం చేశారు.
ఈ కార్యక్రమంలో బీసీ సంక్షేమ సంఘం జిల్లా ప్రధాన కార్యదర్శి *గజ్జి అజయ్ కుమార్ యాదవ్*, బీసీ విద్యార్థి సంఘం జిల్లా ప్రధాన కార్యదర్శి *కన్నబోయిన రాజు యాదవ్*, నాయకులు *కొంపల్లి రామన్న గౌడ్, పొగాకు రవికుమార్ యాదవ్, మల్లబోయిన తరుణ్ కుమార్, అనంత నాగరాజు గౌడ్, అంబటి శివకుమార్, గడగోజు విజయాచారి* తదితరులు పాల్గొన్నారు.
—
